Author: admin

ཕྱི་ལོ་ ༢༠༢༤ ཟླ་བ་ ༡༢ ཚེས་ ༢༡ ཉིན་རྒྱལ་སྤྱི་བསླབ་སྒོམ་ཉིན་མོ་ཐེངས་དང་པོའི་བསྲུང་བརྩི་ཞུ་བ་དང་བསྟུན། འདི་ག་མཐོ་སློབ་ནས་དགེ་སློབ་རྣམས་ལ་ཕན་པར་དམིགས་ཏེ་ཟླ་བ་བཅིུས་པའི་ཚེས་ ༡༦ ནས་ ༢༡ བར་ཚོགས་ཐེངས་དྲུག་ལྷག་རིང་ནང་པའི་བློ་སྦྱོང་དང་སྒོམ་ཉམས་ལེན་བྱ་ཚུལ་ཐོག་ལ་ཟབ་ཁྲིད་ཞིག་གོ་སྒྲིག་ཞུས། ཟབ་ཁྲིད་གནང་མཁན་དུ་ཏཱ་ལའི་བླ་མ་མཐོ་རིམ་སློབ་གཉེར་ཁང་གི་དགེ་རྒན་སྔགས་རམས་པ་བསྟན་འཛིན་ཟིལ་གནོན་ལགས་གདན་ཞུས་དང་། ཁོང་གིས་མཐོ་སློབ་ཀྱི་བསླབ་གཞི་གཞིར་བཟུང་༸རྒྱལ་སྲས་གླང་རི་ཐང་པས་མཛད་པས་བློ་སྦྱོང་ཚོག་བརྒྱད་མ་དང་། ནང་པའི་སྒོམ་ཉམས་ལེན་བྱ་ཚུལ་སྐོར་གོ་བདེ་པོའི་ངང་འགྲེལ་བཤད་དང་དངོས་སུ་སྒོམ་གྱི་སྦྱོང་བརྡར་ཕུལ་བས་དགེ་སློབ་ཀུན་ལ་ཟབ་ཁྲིད་དམིགས་ཡུལ་ལྟར་དགེ་ཕན་ཆེན་པོ་བྱུང་འདུག   In celebration of the first Internation Mediation Day on 21st December 2024, our college…

༄༅།། བོད་ཀྱི་བདུན་ཕྲག་ཞེས་པའི་དུས་ཆེན་སྲུང་བརྩི་སྟེ་ཕྱི་ལོ་ ༢༠༢༤ ཟླ་ ༡༢ ཚེས་ ༢ ནས་ ༧ བར་རང་གཞུང་དབུས་བོད་མིའི་སྒྲིག་འཛུགས་ཀྱི་ཕྱི་འབྲེལ་ཚན་པའི་བོད་ཀྱི་འགྲེམས་སྟོན་ཁང་དང་། སྦེང་ལོར་ཏཱ་ལའི་བླ་མ་མཐོ་རིམ་སློབ་གཉེར་ཁང་། སྦེང་ལོར་འགྲོ་ཕན་བོད་ཀྱི་སྨན་རྩིས་མཐོ་སློབ་ཁང་བཅས་ཚོགས་པ་གསུམ་ཐུན་མོང་གིས་བོད་ཀྱི་ཆོས་དང་། རིག་གཞུང་། སྐད་ཡིག སྨན་རྩིས་སོགས་ས་གནས་ཡུལ་མི་དང་གཞོན་སྐྱེས་སློབ་མ་རྣམས་ལ་ངོ་སྤྲོད་ཁྱབ་སྤེལ་ཆེད་དུ་སྦེང་ལོར་གཙུག་ལག་སློབ་ཆེན་དུ་གོ་སྒྲིག་ཞུས། དེའི་ཚེས་ ༣ དང་། ༥ ཉིན་སོ་སོར་སྦེང་ལོར་འགྲོ་ཕན་བོད་ཀྱི་སྨན་རྩིས་མཐོ་སློབ་ཁང་ནས་བོད་ཀྱི་གསོ་བ་རིག་པ་དང་སྐར་དཔྱད་རྩིས་རིག་གི་ཐང་ཀའི་འགྲེམས་སྟོན་དང་། སྨན་དང་ཐོན་དོངས་ངོ་སྤྲོད། རིན་མེད་བརྟག་དཔྱད། ངག་ཐོག་རྩིས་འབྲས་བཅས་ཞུས་པས་རྒྱ་གར་སློབ་མ་རྣམས་ནས་དམིགས་བསལ་དོ་སྣང་དང་དགའ་སྤྲོ་ཆེན་པོ་གནང་སོང་། “The Tibet Week” event which was held…

✓ ཕྱི་ལོ་༢༠༢༤ཟླ་༡༢ ཚེས་༢ ཉིན་རྒྱབ་རྒྱ་གར་རྒྱལ་ཡོངས་སྲོལ་རྒྱུན་སྨན་གྱི་ལྷན་ཚོགས་ཀྱི་གསོ་བ་རིག་པའི་འགན་འཛིན་ Dr. Jagananthan མཆོག་འདི་ག་སྦེང་ལོར་འགྲོ་ཕན་བོད་ཀྱི་སྨན་རྩིས་མཐོ་སློབ་ཁང་དང་སྨན་ཁང་དུ་ལྟ་བསྐོར་ཆེད་ཕེབས་གནང་། ཁོང་ནས་མཐོ་སློབ་ཀྱི་སྡེ་ཚན་ཁག་དང་། འཛིན་ཁང་། སྨན་ཁང་། སྨན་སྦྱོར་ཁང་སོགས་ལ་གཟིགས་ཞིབ་ལེགས་པར་གནང་བ་མ་ཟད། སློབ་མ་དང་དགེ་ལས་ཡང་ཐུགས་འཕྲད་གནང་། དེ་ནས་སློབ་སྤྱི་དང་དགེ་ལས་སློབ་མ་ཚང་འཛོམས་ཐོག་ཁོང་གིས་ལས་ཡུན་ལོ་གསུམ་ནང་གསོ་བ་རིག་པ་ཡར་རྒྱས་གོང་འཕེལ་དང་སྲོལ་སྨན་གཞན་དང་ཚད་མཉམ་ཡོང་སླད་ལས་དོན་གང་དང་གང་བསྒྲུབས་ཡོད་མེད་དང་མ་འོངས་བྱ་འཆར་སྐོར་བཀའ་སློབ་གནང་སོང་།On December 2nd, 2024, our college was blessed with the presence of Dr. Jagananthan, President of BUSS (NCISM).…