སྦེང་ལོར་འགྲོ་ཕན་བོད་ཀྱི་སྨན་རྩིས་ཁང་གསོ་བ་རིག་པའི་མཐོ་སློབ་དང་སྨན་ཁང་དུ་ཆེད་སྦྱོང་དང་པོའི་སྨན་སློབ་སྐབས་དང་པོ་དང་གཉིས་པའི་སློབ་མ་རྣམས་ལ་སྦེལ་ཀོབ་འཚོ་བྱེད་སྨན་ཁང་གི་ཁྲག་བརྟག་དཔྱད་ཆེད་ལས་པ་བསོད་ནམས་སྟོབས་རྒྱལ་ལགས་ཀྱིས་ཕྱི་ལོ་༢༠༢༤ ཟླ་བ་༠༤ ཚེས་༡༨ – ༢༠ བར་ཉིན་གསུམ་རིང་ཕྱི་ལུགས་སྨན་གྱི་ནང་དུ་ནད་གཞི་འདྲ་མིན་སོ་སོའི་ཁྲག་དང་གཅིན་པ། བཙོག་པ། ལུད་པ་སོགས་བརྟག་དཔྱད་ཀྱི་རྒྱུད་རིམ་ཇི་ལྟར་བྱ་མིན་གྱི་ངོ་སྤྲོད་དང་ལག་ལེན་སློབ་ཁྲིད་གནང་ཡོད། ཐེངས་འདིའི་ཟབ་སྦྱོང་གི་དམིགས་ཡུལ་གཙོ་བོ་ནི་བོད་ལུགས་གསོ་རིག་གི་སྨན་སློབ་རྣམས་ལ་ཕྱི་ལུགས་སྨན་གྱི་ཁྲག་སོགས་བརྟག་དཔྱད་ཀྱི་རྒྱུད་རིམ་ངོ་སྤྲོད་ཚད་ལྡན་ཤེས་རྟོགས་ཐུབ་ཐབས་སུ་དམིགས་པ་ཇི་བཞིན་དུ་བྱུང་སོང་། ཉིན་གསུམ་གྱི་བརྒྱུད་རིམ་འདིའི་ནང་སློབ་མ་རྣམས་ལ་རང་ངོས་ནས་ཟུངས་ཁྲག་གི་ཚད་གཞི་བརྟག་དཔྱད་དང་། ཁྲག་རིགས་ཇི་ཡིན་སོགས་ཀྱི་ཉམས་མྱོང་དམར་ཁྲིད་སློབ་སྟོན་བྱུང་བ་སོགས་སློབ་མ་རྣམས་ལ་ཤེས་བྱ་གསར་པ་མང་དག་ཤེས་རྟོགས་ཐུབ་པ་བྱུང་།
Clinical examination programme for 3 days from 18th april -20th april,2024 was successfully held by Tsojhe Khangsar,Hospital(Bylakuppe) for the First Professional BSRMS(2022-2023) students in Men-Tsee-Khang Sowa Rigpa,Medical college Bangalore.
The workshop aimed to provide attendees with a comprehensive understanding of the various types of clinical tests,their significance and interpretation.Hosted by renowned medical lab technician Mr.Sonam Topgyal la.Participants gained insights into the diverse range of tests available including Complete blood count test(CBC),Lipid profile test,Glucose level,LFT,RFT and more,fostering awareness about symptoms and consequences of their condition.
Through practical demonstration,students developed skills in analysing blood test reports,allowing students to determine their own blood group ,haemoglobin level,detection of H-pylori infection through their stool samples and a basic analysis of their own urine through hands-on activities
