Author: admin

༄༅། །སྦེང་ལོར་འགྲོ་ཕན་སྨན་རྩིས་མཐོ་སློབ་ཁང་གི་ཕྱི་ལོ་ ༢༠༢༤ ཟླ་བ་ ༧ པའི་ཚེས་ ༢༦ ནས་ཟླ་བ་ ༨ བའི་ཚེས་ ༡༥ བར་སྤ་ཏི་ཀུལ་དང་དམར་རི་ལ་ཁར་ས་མཐོའི་སྔོ་སྨན་ངོ་སྤྲོད་གཟབ་སྦྱོང་གི་ལས་བསྡོམས་སྙིང་བསྡུས། ༡༽ མི་སྣ་ངོ་སྤྲོད་། སྤྱི་ཟླ་ ༧ པའི་ཚེས་ ༢༩ ཉིན་སྨན་རྩིས་རིག་གཞུང་དང་སྨན་རྫས་འགན་འཛིན་གཅིག་ལྕོགས་སྨན་པ་འབུམ་རམས་པ་ཚེ་རིང་ནོར་བུ་ལགས་དང་། སྨན་རྫས་ཉམས་ཞིབ་སྡེ་ཚན་གྱི་སྨན་རམས་པ་ཕུན་ཚོགས་བསྟན་དར་ལགས་དང་སྨན་རམས་པ་ཚེ་བསྟན་མི་འགྱུར་ལགས་གཉིས་དང་། རྡ་ས་སྨན་དགེ་མིག་དམར་ལགས་དང་སྨན་དགེ་སྤེན་པ་དོན་གྲུབ་ལགས། རྡ་ས་སྨན་སྦྱོར་སྨན་པ་རྡོ་རྗེ་ཚེ་རིང་ལགས་དང་ལྷན་དུ་ལས་བྱེད་བཅུ་གཅིག་དང་ཅོན་ཏ་ར་སྨན་སྦྱོར་སྨན་པ་བཀྲིས་ལགས་དང་ལྷན་དུ་ སྨན་སྦྱོར་ལས་བྱེད་བཅུ་དང་། བདག་སྦེང་ལོར་སྨན་དགེ་པདྨ་རྣམ་གྲོལ་བཅས་ཁྱོན་སྨན་པ་བརྒྱད་དང་ལས་བྱེད་ཉེར་བཅིག་དང། རྡ་ས་མཐོ་སློབ་ནས་སྨན་སློབ་བཅུ་དང་སྦེང་ལོར་མཐོ་སློབ་ནས་སྨན་སློབ་བདུན་བཅས་ཁྱོན་སྨན་སློབ་བཅུ་བདུན་དང། ཁ་ལོ་བ་གཉིས་དང་། མ་བྱན་གཉིས་བཅས་ཁྱོན་མི་གྲངས་ ༤༩ འཕེབས་ཡོད། ༢༽ འགྲིམ་འགྲུལ་བྱས་ཚུལ། ཕྱི་ལོ་ ༢༠༢༤ ཕྱི་ཟླ་ ༧ ཚེས་ ༢༦ རེས་གཟའ་པ་སངས་ཉིན་ཞོགས་པ་ཆུ་ཚད་ ༩ པ་ཐོག་སྦེང་ལོར་མཐོ་སློབ་ནས་འགྲུལ་བཞུད་བྱས་ཏེ་མོ་ཏྲ་དང་མེ་འཁོར་རྒྱུད་ནས་ཕྱི་ཚེས་ ༢༨ ཞོགས་པ་རྒྱལ་ས་རྡིལ་ལི་ལ་འབྱོར། དེ་ཡི་དགོང་མོ་སྤྱི་སྤྱོད་རླངས་འཁོར་བཞུད་ནས་སང་ཞོགས་ ༢༩ ཉིན་པཱ་ལི་ཀུལ་ལ་བདེ་ཐང་ངང་འབྱོར་པ་དང་དེའི་ཉིན་རྒྱབ་རྡ་སའི་དགེ་སློབ་ལས་བྱེད་རྣམས་བདེ་ཐང་ངང་འབྱོར་སོང། དེ་ཉིན་སྤ་ཏི་ཀུལ་སློབ་གྲྭའི་ཁང་པ་ལེགས་གྲས་རྣམས་རྙིང་མའི་བཙུན་པ་གཟབ་སྦྱོང་ཆེད་གཡར་གཏོང་ཟིན་པ་སོང་སྨན་པ་དང་སློབ་དགེ སྨན་སློབ་རྣམས་སློབ་གྲྭའི་འཛིན་ཁང་ནང་སྨན་སྦྱོར་ལས་བྱེད་དང་མཉམ་དུ་ཞག་སྡོད་བྱས། ཚེས་ ༣༡ ཞོགས་པ་ཆུ་ཚོད་ ༦ པར་སྤ་ཏི་ཀུལ་སློབ་གྲྭ་ནས་ཐོན། ཆུ་ཚོད་ ༨ པ་ཡོལ་ཙམ་ལ་རྨ་རིར་འབྱོར། དེ་ཉིན་གུར་ཕུབ་རྒྱུ་དང་ཆུ་ཡུར་བཟོ་རྒྱུ་སོགས་སྡོད་གནས་གྲ་སྒྲིག་བྱས། ༣༽ སྔོ་སྨན་ངོ་སྤྲོད། སྨན་རྩིས་རིག་གཞུང་དང་སྨན་རྫས་འགན་འཛིན་གཅིག་ལྕོགས་སྨན་པ་འབུམ་རམས་པ་ཚེ་རིང་ནོར་བུ་ལགས་ནས་ཚེས་ ༣༠ ཞོགས་པ་སྤ་ཏི་ཀུ་གྲོང་གི་ཉེ་འདབས་སུ་མཉམ་བསྐྱོད་ཀྱིས་དེ་ཁུལ་དུ་སྐྱེ་བའི་སྨན་སྣེ་གྲངས་ ༦༡ མིང་དང་སྐྱེ་གནས་རིགས་དབྱེ་ཚུལ་ཁྱད་ཆོས་སོགས་རྡ་ས་དང་སྦེང་ལོར་སློབ་མ། སློབ་དགེ་བཅས་ལ་ངོ་སྤྲོད་གནང། སྤྱི་ཟླ་ ༨ པའི་ཚེས་ ༡ ཞོགས་པ་ཆུ་ཚོད་ ༧ པ་ནས་ཉིན་ཕྱེད་སློབ་མ་རྣམས་སྨན་འཐོག་ཏུ་བསྐྱོད་དགོས་པ་དགེ་རྒན་ཚོས་ལམ་སྟོན་ཞུས་ནས་སློབ་ཕྲུག་བུ་སྨན་སྦྱོར་ལས་བྱེད་མཉམ་དུ་སྨན་འཐོག་དང་། བུ་མོ་རྣམས་སྔར་རྒྱུན་བཞིན་བུ་མོ་ཚོས་འཐུ་སྒྲུག་བྱེད་རྒྱུའི་སྔོ་སྨན་སྐྱེ་ཡུལ་རི་རྒྱུད་ངོ་སྤྲོད་དང་ལས་བཀོད་གནང། དེ་ཉིན་སློབ་དགེ་གཉིས་དང་། སྨན་རྫས་སྨན་པ་གཉིས་རི་རྒྱུད་དང་པོར་བསྐྱོད་ནས་དེ་ཁུལ་དུ་སྐྱེ་བའི་སློབ་ཕྲུག་དང་། སྔོ་སྨན་གསོག་ཉར་ཁང་། མཐོ་སློབ་ཆེད་སྔོ་སྨན་འཐུ་སྒྲུབ་དང་། སློབ་དགེ་གཉིས་དང་། སྨན་རྫས་སྨན་པ་གཉིས་ལ་སྔོ་སྨན་གྱི་མིང་དང་སྐྱེ་གནས་རིགས་དབྱེ་ཚུལ་སོགས་ངོ་སྤྲོད་གནང་སོང། ཉིན་རྒྱབ་སློབ་མ་ཚོར་རི་རྒྱུད་དང་པོ་ནས་འཐུ་སྒྲུབ་ཞུས་པའི་སྨན་སྣེ་གྲངས་ ༡༠༠ སྒྲིག་གཤོམ་བྱས་ནས་མིང་དང་སྐྱེ་གནས་རིགས་དབྱེ་ཚུལ་ཁྱད་ཆོས་སོགས་འབུམ་རམས་པ་རྒན་ཚེ་རིང་ནོར་བུ་མཆོག་ནས་ངོ་སྤྲོད་གནང། ཚེས་ ༢ ཉིན་སློབ་དགེ་གཉིས་དང་། སྨན་རྫས་སྨན་པ་གཉིས་རི་རྒྱུད་གཉིས་པར་བསྐྱོད་ནས་དེ་ཁུལ་དུ་སྐྱེས་པའི་སྔོ་སྨན་རྣམས་སློབ་ཕྲུག་དང་། སྔོ་སྨན་གསོག་ཉར་ཁང་། མཐོ་སློབ་ཆེད་འཐུ་སྒྲུག་གནང་། དགེ་རྒན་དང་སྨན་རྫས་སྨན་པ་གཉིས་ལ་སྔོ་སྨན་གྱི་མིང་དང་སྐྱེ་གནས་རིགས་དབྱེ་ཚུལ་སོགས་རྒན་ལགས་ཀྱི་ངོ་སྤྲོད་གནང། ཉིན་རྒྱབ་སློབ་མ་ཚོར་དེ་ཉིན་འཐུ་སྒྲུག་བྱས་པའི་སྨན་སྣེ་གྲངས་༣༧ སྒྲིག་གཤོམ་བྱས་ནས་མིང་དང་སྐྱེ་གནས་རིགས་དབྱེ་ཚུལ་ཁྱད་ཆོས་སོགས་ངོ་སྤྲོད་རྒན་ལགས་མཆོག་ནས་ངོ་སྤྲོད་གནང། ཚེས་ ༣ ནས་ ༥ བར་སྨན་དགེ་གཉིས། རྡ་ས་མཐོ་སློབ་ཀྱི་སྨན་དགེ་སྤེན་པ་དོན་གྲུབ་ལགས་གསར་འདེམས་བྱས་པ་གཅིག སྨན་རྫས་སྨན་པ་གཉིས་བཅས་རི་རྒྱུད་གསུམ་པ། བཞི་པ། ལྔ་པ་བཅས་སུ་བསྐྱོད་ནས་དེ་ཁུལ་གྱི་སྔོ་སྨན་སློབ་ཕྲུག་དང་། སྔོ་སྨན་གསོག་ཉར་ཁང་། མཐོ་སློབ་ཆེད་འཐུ་སྒྲུག་དང་། རིགས་དབྱེ་ཚུལ་སོགས་ངོ་སྤྲོད་ཞུས། དགེ་རྒན་གསུམ་དང་སྨན་རྫས་སྨན་པ་ གཉིས་ལ་སྔོ་སྨན་གྱི་མིང་དང་སྐྱེ་གནས་སློབ་མ་ཚོར་རི་རྒྱུད་ཁག་གསུམ་ནས་འཐུ་སྒྲུབ་ཞུས་པའི་སྨན་སྣེ་གྲངས་ ༧༢ སྒྲིག་གཤོམ་བྱས་ནས་མིང་དང་སྐྱེ་གནས་རིགས་དབྱེ་ཚུལ་ཁྱད་ཆོས་སོགས་ངོ་སྤྲོད་ཞུས། ཚེས་ ༦ ཉིན་སློབ་མ་རྣམས་ཡིག་རྒྱུག་གྲ་སྒྲིག་ཆེད་ཉིན་གཅིག་བར་གསེང་བསྐྱར་སྦྱོང་དང་། སྨན་རྫས་སྨན་པ་གསུམ་ཡིག་རྒྱུགས་ཆེད་དེ་ཉིན་སྔོ་སྨན་སྣེ་གྲངས་ ༡༠༠ འཐུ་སྒྲུག་ཆེད་བསྐྱོད་པ་དང་མཐོ་སློབ་དགེ་རྒན་གསུམ་ཡིག་རྒྱུགས་ཆེད་གྲ་སྒྲིག་ཞུས། ཚེས་ ༧ ཉིན་ཞོགས་པ་ཆུ་ཚད་ ༨ པར་སྔོ་སྨན་གྲངས་ ༡༠༠ ཡིག་རྒྱུགས་ཆེད་སྒྲིག་གཤོམ་བྱས། ཆུ་ཚོད་དགུ་པར་ཡིག་རྒྱུགས་དངོས་སུ་འགོ་བཙུགས་ཀྱིས་དེ་ཉིན་ལེགས་པར་གྲུབ། ད་རེས་མཐོ་སློབ་གཉིས་ཀྱིས་རེ་བསྐུལ་བཞིན་སྔོ་སྨན་ངོ་སྤྲོད་ལས་འཆར་ནང་འབུམ་རམས་པ་རྒན་ཚེ་རིང་ནོར་བུ་ལགས་ནས་མཐོ་ཚད་མི་ཀྲར་ ༢༠༥༠ ནས་ ༤༠༠༠ བརྒལ་བའི་སྨན་སྣེ་གྲངས་ ༢༥༠ ལྷག་ཙམ་ངོ་སྤྲོད་ཆ་ཚང་བྱུང་བའི་ནང་སློབ་དགེ་གསུམ་དང་། རྡ་ས་དང་སྦེང་ལོར་འཛིན་གྲྭ་གཉིས་ནས་སློབ་མ་གྲངས་བཅུ་བདུན།  སྨན་རྫས་སྨན་པ་གཉིས་བཅས་ལ་གནང། སྨན་ངོ་མང་པོ་ཞིག་གི་དཔེ་ཚོན་འཐུ་སྒྲུག་ཞུས་པ་ཚགས་ཤོག་ནང་ཉར་ཚགས་ཀྱིས་སྐེམ་གསེད་བྱེད་བཞིན་པ་ཡིན། སྨན་ངོ་འཐུ་སྒྲུག་བསྐྱོད་དུས་ཞོགས་པ་ཆུ་ཚོད་ ༧ ནས་ཉིན་གུང་ཞལ་ལག་འབྱོར་དུས་ཆུ་ཚོད་ ༣ ནས་བཞི་པ་ཙམ་ཡིན། ང་ཚོ་མཐོ་སློབ་གཉིས་ཀྱི་སྨན་དགེ་གསུམ་ལ་མ་ན་ལི་ཁུལ་དུ་སྐྱེ་བའི་སྔོ་སྨན་ཧ་ལམ་ཆ་ཚང་རི་རྒྱུད་དང་བཅས་པ་ངོ་སྤྲོད་དང་། མ་འོང་སློབ་མ་ཚོར་སྔོ་སྨན་ངོ་སྤྲོད་དང་ཡིག་རྒྱུགས་གཏོང་ཕྱོགས་ཐད་རྒན་ལགས་ཀྱིས་ལམ་སྟོན་བཟང་མོ་གནང་ཡོད། ཚེས་ ༨ ཞོགས་པར་སྔ་རྒྱུན་བཞིན་བུ་མོ་རྩ་ཨ་བ་དང་བུ་རྣམས་བ་ལུ་བཏུས། ཚེས་ ༩ ཉིན་བུ་རྣམས་སྟོང་ཟིལ་དང་བུ་མོ་རྣམས་སྔ་རྒྱུན་བཞིན་སྔོ་སྨན་བཏུས། ཚེས་ ༡༠ ཞོགས་པ་སློབ་ཕྲུག་ཕོ་མོ་རྣམས་ཨ་ཝ་བཏུས། ༤༽དཀའ་ངལ་ཁག ཕྱི་ཚེས་ ༡ མཚན་གུང་ཆུ་ཚོད་ ༣ དང་ཕྱེད་ཀ་ཙམ་ལ་ཆར་རླུང་དྲགས་འཚུབ་རྒྱབ་ནས་སྨན་སྦྱོར་ལས་བྱེད་དང་། སློབ་ཕྲུག་ཚོའི་གུར་ནང་ཆུ་སླེབས་ནས་དཀའ་ངལ་ཅུང་བྱུང་ཡང་། ཆུ་ཚོད་ ༥ པ་ཙམ་ལ་ཆར་རླུང་ཉུང་དུ་སོང་ནས་མི་ལ་སྐྱོན་དམིགས་བསལ་བྱུང་མེད། འདི་ལོ་སྨན་འཐོག་སྐབས་རིམས་ཆམ་རྐྱེན་པ་སློབ་ཕྲུག་དང་ལས་བྱེད་རྣམས་ཚ་བ་རྒྱས་པ་དང་། གྲེ་བ་ཚ་བ། མགོ་ན་བ། དབུགས་གཏོང་དཀའ་བ་སོགས་དཀའ་ངལ་དུ་མ་ཞིག་བྱུང་ཡོད་ཀྱང་གསོ་རིག་སྨན་དང་ཕྱི་ལུགས་སྨན་གཉིས་ལ་བསྟན་ནས་དཀའ་ངལ་དེ་ཙམ་མ་བྱུང། མཐར་ཚེས་ ༡༠ ཉིན་རྒྱབ་དམར་རི་ནས་སྤ་ཏི་ཀུལ་ལ་འབྱོར། ཚེས་བཅུ་གཉིས་ཉིན་རྒྱབ་ཆུ་ཚད་ ༥ ཙམ་ལ་སྤྱི་སྤྱོད་རླངས་འཁོར་རྒྱུད་སྤ་ཏི་ཀུལ་ནས་ཚེས་ ༡༣ ཞོགས་པ་རྒྱལ་ས་ལྡིལ་ལི་ལ་འབྱོར། ཚེས་ ༡༣ དགོང་མོ་ཚུད་ ༧ ཙམ་ནས་ལྡིལ་ལི་ནས་མོ་ཏྲ་དང་མེ་འཁོར་རྒྱུད་ནས་ཚེས་ ༡༥ ཉིན་རྒྱབ་སྦེང་ལོར་མཐོ་སློབ་ལ་དགེ་སློབ་རྣམས་བདེ་ཐང་ངང་འབྱོར་བའི་ལས་བསྡོམས་སྙིང་བསྡུས་སུ་ཕུལ། སྦེང་ལོར་སྨན་རྩིས་མཐོ་སློབ་ནས། ཕྱི་ལོ་ ༢༠༢༤ ཟླ་བ་ ༨ པའི་ཚེས་ ༢༨ ཉིན། Camping overnight Identifying Hurbs Hiking Hurbs plucking The High-Altitude Medicinal Herb Identification Training at Patlikuhal and Marhi from July 26 to August 15, 2024, by the Bangalore Tibetan Medical and Astro. College. Introduction: On July 29, Dr. Tsering Norbu, the chairman, Medical & Astro council along with Dr. Phuntsok Tendar and Dr. Tseten Migyur from the Materia Medica Department arrived. They were joined by Dharamsala Mentseekhang Lecturers Dr.…

སྦེང་ལོར་རཱ་ཇིབ་གྷན་དྷིའི་འཕྲོད་བསྟེན་གཙུག་ལག་སློབ་ཆེན་འོག་ངོས་ལེན་ཐོབ་པའི་སྦེང་ལོར་འགྲོ་ཕན་བོད་ཀྱི་སྨན་རྩིས་མཐོ་སློབ་ཁང་གི་སྨན་སློབ་སྐབས་དང་པོ་རྣམས་ཕྱི་ལོ་ ༢༠༢༤ ཟླ་ ༠༨ ཚེས་ ༠༩ ནས་བཟུང་ཆེད་སྦྱོང་དང་པོའི་གཙུག་ལག་ཡིག་རྒྱུགས་ཆེན་པོ་འགོ་འཛུགས་ཀྱིས་ཟླ་དེའི་ཚེས་ ༢༨ ལ་ལེགས་གྲུབ་ཟིན་རྒྱུ་དང་། ཡིག་རྒྱུགས་གཏོང་ཡུལ་ནི་སྦེང་ལོར་གྲོང་འཁྱེར་དུ་ཆགས་པའི་ཕྱི་ལུགས་སྨན་གྱི་མཐོ་སློབ་ BGS MEDICAL COLLEGE ལ་གོ་སྒྲིག་གནང་འདུག འདི་ག་མཐོ་སློབ་ཀྱི་དགེ་ལས་ཡོངས་ནས་ཡིག་རྒྱུགས་ལམ་ལྷོངས་ཡོང་བའི་སྨོན་འདུན་ཞུ་བཞིན་ཡོད། The First Professional Students of Men-Tsee-Khang (Sowa-Rigpa) Medical College, Bengaluru, which is affiliated under Rajiv Gandhi University of Health Sciences, have begun their university exams (the final of the First Professional) on 9th August 2024 and it will last till 28th August 2024.  The university is conducting the examinations at BGS Medical college, Bengaluru. The faculty members and staffs of the college wishing them success and good luck.